Весь мир поет "Пагоню"!

На сусветнай моладзевай сустрэчы "OIYP Kaleidoscope" у Індыі моладзь з больш чым 20 краінаў свету праспявала песню па-беларуску.

Пару дзён таму быў дзень народзінаў Максіма Багдановіча. А сёння ЗША, Паўднёвая Афрыка, Лаос, Індыя, Туркменістан, Ліван, Саламонавы выспы, Камбоджа, Тога, Палестына, Егіпет, Інданэзія, Аўстралія, Зімбабвэ, Філіпіны ды іншыя краіны спяваюць усе разам для Беларусі!

Усім глядзець да канца - негр пакажа, як трэба спяваць Пагоню! К слову, у яго вельмі добра атрымалася, напэўна ён музыкант

 

Оригинал:

Скачать Погоню!

Пагоня.
Толькi ў сэрцы трывожным пачую
За краiну радзiмую жах -
Ўспомню Вострую Браму сьвятую
I ваякаў на грозных канях.

Ў белай пене праносяцца конi,
Рвуцца, мкнуцца i цяжка хрыпяць...
Старадаўняй Лiтоўскай Пагонi
Не разьбiць, не спынiць, не стрымаць.

У бязьмерную даль вы ляцiце,
А за вамi, прад вамi - гады.
Вы за кiм у пагоню сьпяшыце?
Дзе шляхi вашы йдуць i куды?

Мо яны, Беларусь, панясьлiся
За тваiмi дзяцьмi ўздагон,
Што забылi цябе, адраклiся,
Прадалi i аддалi ў палон?

Бiце ў сэрцы iх - бiце мячамi,
Не давайце чужынцамi быць!
Хай пачуюць, як сэрца начамi
Аб радзiмай старонцы балiць...

Мацi родная, Мацi-Краiна!
Ня ўсьцiшыцца гэтакi боль...
Ты прабач, Ты прымi свайго сына,
За Цябе яму ўмерцi дазволь!..

Ўсё лятуць i лятуць тыя конi,
Срэбнай збруяй далёка грымяць...
Старадаўняй Лiтоўскай Пагонi
Не разьбiць, не спынiць, не стрымаць.

Крыніца: Еўрапейскае радыё для Беларусі